Presidentja e Kosovës, Vjosa Osmani, ka nisur sot një takim konsultativ me liderët e partive politike, për të diskutuar zgjidhjen e bllokadës në drejtim të konstituimit të Kuvendit të Kosovës.
Në këtë takim, po marrin pjesë kryetari i Lëvizjes Vetëvendosje (VV), Albin Kurti, kryetari i Partisë Demokratike të Kosovës (PDK), Memli Krasniqi, kryetari i Lidhjes Demokratike të Kosovës (LDK), Lumir Abdixhiku, dhe kryetari i Aleancës për Ardhmërinë e Kosovës (AAK), Ramush Haradinaj.
Ky është takimi i parë konsultativ, në të cilin diskutohen mundësitë për gjetjen e një zgjidhjeje për të tejkaluar ngërçin aktual dhe për të siguruar përparimin në procesin e formimit të institucioneve të reja të Kosovës.
