Ka nisur takimi mes kryeministrit në detyrë, Albin Kurti, dhe kreut të Partisë Demokratike të Kosovës, Memli Krasniqi – një përballje e shumëpritur pas zgjedhjeve nacionale të 9 shkurtit, që nxorën partitë e tyre si dy forcat kryesore në vend.
Pamjet nga takimi tregojnë Kurtin në humor dukshëm të mirë, duke buzëqeshur shpesh teksa është ulur përballë liderit të opozitës. Kjo atmosferë pozitive nuk u reflektua njësoj nga ana e Krasniqit, i cili mbeti më i përmbajtur gjatë gjithë momentit publik të takimit.
Ky takim shihet si një hap i rëndësishëm drejt formësimit të skenës së re politike në vend, ndërsa pritet të zbardhen më shumë detaje për përmbajtjen e bisedimeve mes dy liderëve.
