Të premten në Kosovë pritet stabilizim i motit. Mëngjesi do të jetë paksa i ftohtë, ndërsa në disa zona mund të ketë mjegull dhe vranësira të ulëta. Gjatë ditës moti pritet të jetë kryesisht me diell dhe me vranësira të pakta lokale.
Temperaturat do të shënojnë rritje gjatë ditës, ku maksimalja pritet të arrijë deri në 16 gradë Celsius, ndërsa minimalja rreth 0 gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi pritet mot kryesisht me diell dhe me vranësira lokale. Rrezet e diellit do të jenë dominuese dhe temperaturat ditore do të shënojnë rritje në të gjithë rajonin.
