Të hënën në Kosovë pritet të mbajë mot me diell dhe shumë i nxehtë, me temperatura maksimale deri në 37 gradë Celsius. Institucionet meteorologjike rekomandojnë që personat e ndjeshëm të shmangin ekspozimin në diell gjatë orëve të mesditës dhe pasdites, për të evituar efektet e nxehtësisë ekstreme.
Edhe në Shqipëri, Maqedoninë e Veriut, Luginën e Preshevës dhe Malin e Zi, moti do të jetë me diell dhe tepër i nxehtë. Vapa më e fuqishme pritet në zonat tradicionale më të nxehta të Shqipërisë dhe Maqedonisë së Veriut, ku temperaturat mund të arrijnë në nivele shumë të larta.
