Tirana është sot mikpritësja e samitit të rëndësishëm “Plani i Rritjes, rruga jonë në BE”, ku liderët e Ballkanit Perëndimor do të diskutojnë mbi integrimin ekonomik, zhvillimin rajonal dhe afrimin me Tregun e Bashkimit Europian. Takimi zhvillohet në Pallatin e Brigadave dhe nis në orën 09:30.
E pranishme në samit është komisionerja e BE-së për Zgjerimin, Marta Kos, së bashku me përfaqësues të lartë të Komisionit Europian dhe organizatave rajonale. Kos mbërriti në Tiranë që një ditë më parë dhe zhvilloi një takim me kryeministrin Edi Rama, i pasuar nga një darkë zyrtare.
Në orën 10:00 fillojnë punimet e samitit, ndërsa fjalët hapëse mbahen nga Rama dhe Kos. Më pas, në 11:30, është parashikuar fotoja tradicionale familjare, dhe në 11:35 dy zyrtarët do të dalin në konferencë të përbashkët për shtyp.
FOKUSI I SAMITIT
Punimet e samitit zhvillohen në dy panele kryesore:
-
“Formimi i nismave të reja, me përfitime për qytetarët dhe biznesin”
-
“Përmbushja e angazhimeve të përbashkëta – Rezultatet dhe përshpejtimi”
Gjatë tyre do të prezantohet Udhërrëfyesi për Ballkanin Perëndimor, ndërsa diskutohet për:
-
pozicionimin e rajonit në ekosistemin e AI të BE-së
-
korsitë e gjelbra
-
bashkëpunimin në turizëm
-
progresin drejt tregut të përbashkët rajonal
-
hapat e ardhshëm integrues
AXHENDA ZYRTARE
Vendi: Pallati i Brigadave
Ora: 09:30 – 12:00
09:30 – Mirëseardhja / Deklarata për media
10:00 – Nisja e punimeve të Samitit “Growth Plan”
Fjalët hapëse:
-
Kryeministri i Shqipërisë, Edi Rama
-
Komisionerja e BE-së për Zgjerimin, Marta Kos
11:30 – Foto familjare
11:35 – Konferencë për shtyp (Rama & Kos)
Samiti pritet të jetë një prej ngjarjeve më të rëndësishme rajonale të këtij viti, me pritshmëri të larta për hapa konkretë drejt integrimit ekonomik të Ballkanit Perëndimor në BE.
