Një aksident i rëndë trafiku me pasoja fatale ka ndodhur mbrëmjen e së dielës në fshatin Kuzmin të komunës së Fushë Kosovës, ku humbën jetën dy vajza të reja, njëra prej tyre e mitur.
Ngjarja tragjike është raportuar rreth orës 22:00, kur një veturë ka dalë nga rruga dhe është përplasur me një objekt të fortë, duke shkaktuar vdekjen e menjëhershme të të dy pasagjereve që ndodheshin në të.
Sipas burimeve brenda Prokurorisë, viktimat janë identifikuar si:
-
H.H.A., 27-vjeçare, e cila drejtonte automjetin
-
A.V., 17-vjeçare, pasagjere dhe e mitur
Njësitë policore dhe ato hetimore kanë dalë menjëherë në vendin e ngjarjes për të kryer ekzaminimet e nevojshme. Trupat e pajetë të viktimave janë dërguar në Institutin e Mjekësisë Ligjore (IML) për autopsi.
Rasti është iniciuar si “Aksident trafiku me fatalitet”, ndërsa hetimet për zbardhjen e shkaqeve dhe rrethanave të plota të aksidentit janë në vazhdim.
