Një ngjarje tragjike ka ndodhur sot në fshatin Zemanic të Leposaviqit, ku një adoleshent 16-vjeçar ka humbur jetën pas një aksidenti me traktor.
Rreth orës 11:00, Policia në Leposaviq ka marrë informacion nga Qendra Kryesore e Mjekësisë Familjare se viktima ishte pa shenja jete. Njësitë policore kanë shkuar menjëherë në vendngjarje, ku stafi mjekësor ka konfirmuar vdekjen e të riut, identifikuar si D.P.
Sipas dëshmive të pranishmëve, i mituri po përpiqej të tërhiqte një lis me traktor, por më pas u rrotullua dhe pësoi aksidentin fatal.
Prokurori i Shtetit është njoftuar për ngjarjen dhe ka urdhëruar që rasti të trajtohet si “vdekje e dyshimtë”. Me vendim të prokurorit, trupi i viktimës është dorëzuar familjarëve.
