Një aksion i gjerë i Policisë së Kosovës ka rezultuar në zbulimin e katër plantacioneve të kanabisit në fshatin Zhegovc të Gjilanit, ku u arrestuan tre persona të dyshuar për kultivim të drogës.Ardit Sylejmani, Rinor Ahmeti dhe Rinas Zeqiri
Autoritetet njoftojnë se të dyshuarit, të moshave 25, 27 dhe 34 vjeç, dyshohet se kishin kultivuar rreth 500 bimë kanabis sativa, disa prej të cilave kishin arritur eri në dy metra lartësi dhe ishin gati për përpunim.
Gjatë bastisjes, policia ka sekuestruar:
-
një armë të gjatë AK-47;
-
një karikator me 19 fishekë, kalibër 7.62×39 mm;
-
pesë telefona mobil;
-
një automjet Golf V.
Me urdhër të Prokurorit të Shtetit, bimët narkotike janë asgjësuar në vendngjarje, nën mbikëqyrjen e Forenzikës Rajonale dhe Njësisë së Zjarrfikësve, për të parandaluar çdo rrezik të përhapjes së zjarrit.
Policia e Kosovës vazhdon hetimet për rastin dhe nuk përjashton mundësinë e identifikimit të personave të tjerë të përfshirë në këtë aktivitet kriminal.
