Kandidati i Partisë Demokratike të Kosovës për kryetar të Prishtinës, Uran Ismaili, sot ushtronte të drejtën e tij të votës dhe u bëri thirrje të gjithë qytetarëve të dalin dhe të ushtrojnë të drejtën për të votuar.
Pas votimit, Ismaili u deklarua para mediave, duke shprehur shpresën që qytetarët e kryeqytetit të shfrytëzojnë këtë mundësi për ndryshim.
“Sot është një ditë e mirë për Prishtinën, ku vendosim për të ardhmen e saj për katër vitet e ardhshme. Dua të falënderoj qytetarët që më kanë pritur jashtëzakonisht mirë gjatë gjithë fushatës. Shpresoj që edhe sot të jetë një ditë e mirë,” tha Ismaili.
Ai shtoi se fushata ka qenë një përvojë pozitive dhe falënderoi vullnetarët dhe të gjithë ata që kontribuuan për të bërë fushatën e tij sa më të suksesshme.
“Shpresoj që Prishtina të shfrytëzojë mundësinë për ndryshim dhe të bëhet një qytet i zhvilluar, ashtu siç të gjithë e duam ta shohim,” përfundoi Ismaili.
