Ushtarët bullgarë 🇧🇬 nga Batalioni i Forcës Rezervë Operacionale Shumëkombëshe të misionit të udhëhequr nga NATO – KFOR, së bashku me trajnerët hungarezë 🇭🇺 nga Batalioni i Rezervës Taktike të KFOR-it, kanë realizuar një stërvitje intensive për kontrollin e turmave dhe përballjen me zjarret (të njohur si “firephobia”).
Stërvitja është planifikuar qëllimisht të jetë sa më reale, në mënyrë që pjesëmarrësit të përfitojnë një përvojë sa më të afërt me situatat që mund të ndodhin në terren. Kjo përfshin përgatitjen fizike dhe psikologjike të pjesëtarëve për të vepruar në rrethana të ndërlikuara dhe të pasigurta.
KFOR-i punon në bashkëpunim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përmbushjen e roleve të tyre si garantues të sigurisë.
Kjo stërvitje është një dëshmi e angazhimit të përhershëm të KFOR-it për të ruajtur stabilitetin dhe sigurinë në rajon.
