Vaji i kokosit, dikur i njohur vetëm në kulturat tropikale, po bëhet gjithnjë e më i pranishëm në kuzhinat dhe ritualet e kujdesit personal në mbarë botën. Përveç shijes dhe përdorimit të gjerë në gatim, studimet tregojnë se ky produkt natyral ka edhe përfitime të shumta për shëndetin dhe lëkurën.
Pse konsiderohet i shëndetshëm?
Banorët e Polinezisë, Filipineve dhe Sri Lankës e përdorin vajin e kokosit çdo ditë, dhe hulumtimet kanë treguar se ata kanë më pak probleme me kolesterolin dhe sëmundjet e zemrës. Një studim mbi popullsitë e atoleve Pukapuka dhe Tokelau zbuloi se konsumimi i rregullt i kokosit lidhet me peshë trupore ideale, tretje të mirë dhe mungesë të sëmundjeve si arterioskleroza, koliti apo kanceri i zorrës së trashë.
I qëndrueshëm në temperatura të larta
Vaji i kokosit është i fortë në temperaturën e dhomës, por shndërrohet në lëng mbi 23–25°C. Për shkak të rezistencës së tij, është i përshtatshëm për skuqje dhe gatim, pasi qëndron i qëndrueshëm deri në 170°C (në formën e virgjër) dhe deri në 230°C (i rafinuar). Ai nuk ka nevojë të ruhet në frigorifer dhe mund të qëndrojë i freskët deri në tre vjet.
Sa vaj kokosi duhet konsumuar?
Nuk ka një dozë të saktë të rekomanduar, pasi konsiderohet ushqim dhe jo suplement. Megjithatë, ekspertët sugjerojnë 2–4 lugë gjelle në ditë si sasi të përshtatshme.
3 këshilla praktike për përdorim
-
Antifungal natyral – aplikoni çdo ditë në zonat e prekura ose merrni në sasi të vogla.
-
Masazh relaksues – qetëson muskujt dhe mund të përdoret edhe si lubrifikant natyral (jo i përshtatshëm me lateks).
-
Mbrojtje kundër insekteve – kombinoni me vajra esencialë si mente, rozmarinë ose limon dhe aplikojeni në lëkurë.
Kujdesi për lëkurën dhe flokët
Vaji i kokosit është një aleat i fuqishëm për bukurinë dhe mund të përdoret në disa mënyra:
-
Si krem fytyre për lëkurë të yndyrshme me prirje ndaj akneve.
-
Si heqës makijazhi që edhe hidraton lëkurën.
-
Si maskë fytyre me mjaltë për lëkurë të ndritshme.
-
Si krem hidratues për trupin pas dushit.
-
Si skrab natyral në kombinim me sheqer kallami.
-
Si maskë flokësh që zëvendëson balsamin.
-
Si balsam para rrojës për të shmangur irritimet.
