Një valë reshjesh dhe rrebeshesh të fuqishme shiu pritet të godasë Kosovën gjatë natës së së enjtes ose në orët e para të së premtes. Reshjet nuk do të përfshijnë gjithë territorin, por kryesisht zona të caktuara.
E premtja në Kosovë do të sjellë mot me diell dhe vranësira lokale, ndërsa pasdite pritet zhvillim i fuqishëm konvektiv në pjesën veriore dhe verilindore, me rrebeshe lokale shiu, vetëtima dhe bubullima. Në pjesët tjera, reshjet do të jenë më të izoluara. Temperaturat maksimale do të arrijnë deri në 28-29°C.
Në Shqipëri, gjatë natës priten stuhi të fuqishme shiu me bubullima, vetëtima dhe mundësi për breshër. Stuhitë do të lëvizin nga veriu dhe veriperëndimi drejt qendrës e jugut. Edhe dita e premte do të jetë me vranësira dhe rrebeshe të shpeshta shiu.
Maqedonia e Veriut parashikohet të ketë mot me diell dhe vranësira lokale, me reshje vetëm në disa zona të izoluara, ngjashëm si në Luginën e Preshevës. Ndërkohë, Mali i Zi do të përballet me vranësira të dendura dhe rrebeshe të shpeshta shiu shoqëruar me bubullima.
