Kosova do të përballet të premten me një valë të fortë të të nxehtit, teksa moti parashikohet të jetë me diell dhe jashtëzakonisht i nxehtë në gjithë territorin. Temperaturat maksimale do të arrijnë deri në 40°C, ndërsa gjatë pasdites mund të shfaqen disa vranësira lokale. Në zona të kufizuara malore priten rrebeshe të shkurtëra shiu, por ato do të jenë të rralla dhe pa ndikim të ndjeshëm në freskimin e motit.
Situatë e ngjashme pritet edhe në vendet përreth. Në Shqipëri, Maqedoninë e Veriut, Luginën e Preshevës dhe Malin e Zi, dita e nesërme do të jetë gjithashtu përvëluese, me temperatura që në disa zona mund të tejkalojnë edhe 40°C.
Autoritetet meteorologjike apelojnë për kujdes të shtuar gjatë orëve të pikut të nxehtësisë, shmangie të ekspozimit të drejtpërdrejtë në diell dhe konsum të mjaftueshëm të lëngjeve.
