Qendra për Menaxhim Kufitar e Ministrisë së Punëve të Brendshme njofton se edhe sot janë shënuar pritje në disa pika të kalimit kufitar të Kosovës, me kohëzgjatje të ndryshme në varësi të drejtimit të lëvizjes.
Në pikën kufitare Dheu i Bardhë, pritjet për hyrje në Kosovë arrijnë deri në 20 minuta, ndërsa për dalje nga vendi shkojnë deri në 90 minuta.
Në pikën kufitare Merdarë, pritjet për hyrje variojnë nga 10 deri në 15 minuta, ndërsa për dalje arrijnë deri në 30 minuta.
Në të gjitha pikat e tjera kufitare, pritjet për hyrje në Kosovë janë minimale, duke u llogaritur nga 3 deri në 5 minuta.
Autoritetet kufitare këshillojnë udhëtarët të planifikojnë paraprakisht udhëtimet e tyre dhe të marrin parasysh mundësinë e zgjedhjes së pikave alternative të kalimit për të shmangur vonesat.
