E mërkura në Kosovë do të karakterizohet nga mot me diell dhe temperatura shumë të larta, duke vazhduar vala e të nxehtit që ka përfshirë vendin. Sipas parashikimeve meteorologjike, temperaturat minimale pritet të zbresin deri në 16°C, ndërsa ato maksimale do të variojnë nga 34°C deri në 38°C.
Situata e ngjashme meteorologjike do të mbizotërojë edhe në Shqipëri, Maqedoninë e Veriut, Luginën e Preshevës dhe Malin e Zi, ku moti do të jetë kryesisht me diell dhe shumë i nxehtë.
Autoritetet këshillojnë qytetarët të shmangin ekspozimin e drejtpërdrejtë në diell gjatë orëve të mesditës dhe të kujdesen për hidratim të mjaftueshëm.
