Koalicioni parazgjedhor i Lëvizjes Vetëvendosje është zyrtarizuar. Subjekti më i madh politik në vend do të garojë në zgjedhjet e 28 dhjetorit si pjesë e një koalicioni me tri parti të tjera: Guxo, Alternativa dhe Partia Shqiptare Demokristiane e Kosovës (PSHDK).
Lajmin e ka konfirmuar zëdhënësi i Komisionit Qendror të Zgjedhjeve, Valmir Elezi, i cili njoftoi se koalicioni është regjistruar zyrtarisht në KQZ nën emrin “Lëvizja VETËVENDOSJE!” dhe se përbëhet nga katër parti politike.
Ky është koalicioni më i gjerë që Vetëvendosje ka ndërtuar ndonjëherë për zgjedhjet parlamentare, ndërsa regjistrimi vjen në ditët e fundit të afatit për formimin e koalicioneve para certifikimit të subjekteve politike.
Zgjedhjet e parakohshme për Kuvendin e Kosovës mbahen më 28 dhjetor 2025.
