Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka bërë të ditur se gjatë periudhës 22 – 29 gusht 2025 janë trajtuar gjithsej 44 raste të reja të paraqitura nga viktimat e krimeve.
Sipas raportit javor, shumica e rasteve kanë të bëjnë me dhunën në familje, gjithsej 40 raste, ndërsa janë evidentuar edhe:
-
2 raste të dhunimit,
-
1 rast të vrasjes së rëndë në tentativë,
-
1 rast të tentim-dhunimit.
Në kuadër të veprimeve ligjore janë parashtruar:
-
18 Kërkesa për Urdhër Mbrojtje (KUM) në gjykata,
-
12 Kërkesa për Urdhër Mbrojtje Emergjente (KUME),
-
2 kërkesa për ndërprerje të urdhrit mbrojtës nga pala.
Gjatë kësaj periudhe janë regjistruar gjithashtu:
-
18 aktvendime të aprovuara dhe 2 të tërhequra,
-
57 seanca gjyqësore dhe 13 në prokurori,
-
55 këshilla juridike të ofruara për viktimat.
Përveç kësaj, Zyra ka raportuar edhe për 3 aktgjykime dënuese, 5 vendime për kompensimin e viktimave, si dhe 1 kërkesë për kompensim nga fondi për viktima.
Ndër të tjera, janë përfaqësuar 3 raste në polici dhe 1 rast në strehimore, duke u ofruar ndihmë direkte viktimave të dhunës dhe krimeve të tjera.
Ky bilanc javor, sipas Zyrës për Mbrojtje dhe Ndihmë të Viktimave, dëshmon për angazhimin institucional në ofrimin e mbështetjes së vazhdueshme për viktimat, duke siguruar qasje më të shpejtë dhe efikase në drejtësi dhe mbrojtje.
