Komisioni Qendror i Zgjedhjeve (KQZ) mbajti mbledhjen e 21-të të këtij viti, të kryesuar nga kryesuesi Kreshnik Radoniqi. Gjatë kësaj mbledhjeje, KQZ mori vendimin për shpalljen e rezultateve përfundimtare të Zgjedhjeve për Kuvendin e Republikës së Kosovës, të cilat u mbajtën më 9 shkurt 2025.
Të gjitha rezultatet e detajuara mund të gjenden në lidhjen e mëposhtme: Zgjedhjet për Kuvend të Kosovës 2025 – KQZ.
Në përputhje me ligjin, Komisioni Qendror i Zgjedhjeve njofton të gjitha subjektet politike dhe kandidatët se ata mund të paraqesin ankesa ndaj vendimit për shpalljen e rezultateve përfundimtare brenda 48 orëve në Panelin Zgjedhor për Ankesa dhe Parashtresa.
Rezultatet përfundimtare janë si më poshtë:
- LVV: 42.30% – 48 mandate
- PDK: 20.95% – 24 mandate
- LDK: 18.27% – 20 mandate
- AAK NISMA: 7.06% – 8 mandate
- Lista Serbe: 4.26% – 9 mandate
- Partia Serbe LDM: 1 mandat
- Partitë joserbe: 10 mandate
