Policia në Rajonin e Mitrovicës ka ndërmarrë veprime të shpejta në dy raste të armëve të zjarrit gjatë 24 orëve të fundit.
Në rastin e parë, pas raportimeve për të shtëna me armë zjarri më 13 Shtator në fshatin Bajgorë, hetuesit kanë identifikuar dhe arrestuar dy persona të dyshuar. Në këtë rast, është konfiskuar një pistoletë, që njëri prej të dyshuarve e mbante në posedim, ndërsa tjetri dyshohet se kishte qëlluar me të.
Në rastin e dytë, pas informacioneve nga rrjetet sociale, policia ka identifikuar një person në fshatin Akrashticë të Vushtrrisë, i cili është arrestuar dhe ndaj tij është konfiskuar një pistoletë me 7 fishekë.
Pas intervistimeve dhe procedurave hetimore, ndaj të dyshuarve janë iniciuar rastet për:
-
Mbajtje, posedim dhe kontroll i paautorizuar i armës,
-
Përdorim i armës.
Me vendim të prokurorit, të dyshuarit janë liruar në procedurë të rregullt, ndërkohë që hetimet vijojnë.
