Kandidati i Lëvizjes Vetëvendosje (LVV) dhe njëkohësisht kryetari aktual i Gjilanit, Alban Hyseni, ka ushtruar sot të drejtën e tij të votës në shkollën “Abaz Ajeti”, në kuadër të raundit të dytë të zgjedhjeve lokale.
Pas votimit, Hyseni u bëri thirrje qytetarëve të dalin masivisht në votime dhe të shprehin vullnetin e tyre përmes kutisë së votimit, duke theksuar se pjesëmarrja aktive është thelbësore për zhvillimin dhe mirëqenien e komunitetit.
“Vota është mjeti më i fortë që kemi për të ndikuar në të ardhmen tonë dhe në drejtimin që merr qyteti,” tha Hyseni, duke apeluar për një proces demokratik të qetë dhe dinjitoz.
Zgjedhjet në Gjilan po zhvillohen në balotazh, ku qytetarët po vendosin për drejtuesin e ardhshëm të komunës për katër vitet e ardhshme.
