Të enjten në Kosovë pritet të mbajë mot kryesisht me diell dhe relativisht i ngrohtë, me karakter pranveror. Vranësirat do të jenë të pakta dhe lokale, pa ndonjë ndikim në kushtet atmosferike.
Temperaturat do të lëvizin nga 0 gradë Celsius minimalja deri në 18 gradë Celsius maksimalja.
Në Shqipëri, Maqedoninë e Veriut, Luginën e Preshevës dhe Malin e Zi pritet mot kryesisht me diell dhe stabil. Në orët e pasdites mund të ketë zhvillime të vranësirave lokale dhe rrallë në ndonjë rajon mund të paraqitet ndonjë rigë ose rrebesh afatshkurtër shiu.
