Kryetari i Lidhja Demokratike e Kosovës, Lumir Abdixhiku, ka uruar besimtarët myslimanë me rastin e Fitër Bajrami, duke përcjellë mesazhe për unitet, solidaritet dhe mbështetje ndaj njëri-tjetrit.
Me këtë rast, Abdixhiku ka vizituar Bashkësia Islame e Kosovës, ku është takuar me Myftiun e Kosovës, Naim Tërnava.
Gjatë vizitës, ai theksoi rëndësinë e vlerave që promovohen gjatë muajit të Ramazanit dhe festës së Bajramit, si solidariteti, ndihma për ata në nevojë dhe uniteti shoqëror.
“Lutjet dhe agjërimi i muajit të shenjtë të Ramazanit u pranofshin. Mbi të gjitha, t’i ruajmë dhe t’i kultivojmë këto vlera – solidaritetin ndaj njëri-tjetrit, mbështetjen për ata që janë në nevojë dhe unitetin e qytetarëve të Kosovës. Zoti e bekoftë Kosovën, popullin tonë dhe familjet tona. Me fat Bajrami!”, u shpreh Abdixhiku.
Në fund, ai ka përcjellë urime edhe për gazetarët me rastin e kësaj feste.
Vizitat e liderëve politikë në BIK gjatë festave fetare mbeten një praktikë e zakonshme, duke reflektuar mesazhe bashkimi dhe respekti në shoqëri.
