Kompania për Distribuimin e Energjisë Elektrike në Kosovë (KEDS) ka njoftuar se të premten, më 27 mars 2026, do të realizohen punime të planifikuara në rrjet, të cilat do të shkaktojnë ndërprerje të përkohshme të energjisë elektrike në disa rajone të vendit.
Prishtinë
Në zonat e Fushë Kosovës do të ketë ndërprerje nga ora 09:00 deri në 16:00. Pa energji do të mbesin Miradia e Epërme dhe e Ulët, Vragolia, Batusha, Henci dhe një pjesë e bizneseve përgjatë rrugës Vragoli–Sllatinë.
Arsyeja: punime nga palë të treta, përfshirë demontim të rrjetit ekzistues dhe ndërhyrje teknike në linja.
Pejë
Në Deçan ndërprerjet do të zgjasin nga ora 09:00 deri në 15:00, duke prekur disa rrugë dhe lagje të qytetit.
Arsyeja: lidhje kabllosh të reja dhe ndërhyrje në rrjetin ekzistues.
Ferizaj
Në zonën e Kaçanikut, konkretisht disa fshatra si Bob, Gajre, Ivajë dhe të tjera, ndërprerja do të jetë nga ora 10:00 deri në 11:00.
Arsyeja: ndërhyrje për siguri dhe ndërrim pajisjesh të dëmtuara.
Gjakovë
Në qendër të qytetit ndërprerjet do të ndodhin nga ora 11:00 deri në 15:00, duke prekur disa rrugë kryesore.
Arsyeja: zhvendosje e linjave ajrore në rrjet nëntokësor.
Gjilan
Në disa zona të qytetit ndërprerjet do të zhvillohen me intervale nga ora 10:00 deri në 15:00.
Arsyeja: testime teknike dhe ndërhyrje për sigurinë e sistemit.
