Kryeministri britanik Keir Starmer ka përjashtuar qartë përfshirjen ushtarake direkte të Mbretërisë së Bashkuar në luftën me Irani, duke deklaruar se “kjo nuk është lufta jonë”.
Starmer theksoi se Britania nuk do të dërgojë trupa në terren, por do të vazhdojë të ndërmarrë masa mbrojtëse për sigurinë e qytetarëve dhe për të mbështetur aleatët në rajon.
Megjithatë, Londra nuk po qëndron plotësisht jashtë konfliktit: ka lejuar përdorimin e bazave të saj nga Shtetet e Bashkuara të Amerikës për operacione ushtarake dhe ka dërguar avionë luftarakë për të neutralizuar kërcënimet ajrore iraniane.
Kryeministri britanik theksoi gjithashtu rëndësinë e rihapjes së Ngushtica e Hormuzit, një arterie kyçe për tregtinë globale të naftës, duke e konsideruar atë prioritet diplomatik.
