Presidenti i Shtetet e Bashkuara, Donald Trump, zhvilloi një bisedë “konstruktive” me presidentin e Finlandës, Alexander Stubb, për të ardhmen e NATO, në një moment kur aleanca po përballet me pasiguri serioze.
Stubb bëri të ditur se diskutimi u përqendrua në NATO-n, Ukrainën dhe krizën me Iranin, duke theksuar se “problemet janë aty për t’u zgjidhur në mënyrë pragmatike”, por pa zbuluar detaje konkrete.
Kjo bisedë vjen në një klimë të tensionuar, pasi Trump po shqyrton hapur mundësinë e tërheqjes së SHBA-së nga NATO – një lëvizje që do të trondiste rendin global të ndërtuar pas Luftës së Dytë Botërore.
Pakënaqësia e tij lidhet drejtpërdrejt me qëndrimin e vendeve evropiane, të cilat kanë refuzuar të përfshihen plotësisht në konfliktin kundër Iranit dhe në operacionet për zhbllokimin e Ngushticës së Hormuzit.
Ndërkohë, disa shtete evropiane kanë vendosur edhe kufizime për përdorimin e hapësirës ajrore nga avionët amerikanë, duke thelluar përçarjet brenda aleancës.