Kryeministri i Shqipërisë, Edi Rama, ka uruar Ditën e Europës përmes një mesazhi të publikuar në rrjetet sociale, duke theksuar se Shqipëria ndodhet “më afër se kurrë familjes europiane”.
Në postimin e tij, Rama shkroi:
“MIRËMËNGJES 😊 dhe në këtë Ditë të Europës, ku Shqipëria është më afër se kurrë familjes europiane, ju uroj një fundjavë të mbarë 🫶”.
Urimi është shoqëruar me një fotografi ku Rama shfaqet së bashku me komisioneren për Zgjerim të Bashkimit Evropian, Marta Kos, dhe ministren daneze Marie Bjerre, gjatë hapjes së kapitullit të fundit të mbetur në negociatat për anëtarësimin e Shqipërisë në Bashkimin Europian, më 17 nëntor 2025.
Dita e Europës shënohet çdo vit më 9 maj dhe simbolizon fillimin e projektit europian pas Deklaratës së Schuman-it të vitit 1950, që hodhi themelet e Bashkimit Europian.
