Vaji i boragës po përdoret gjithnjë e më shumë si suplement natyral për kujdesin ndaj lëkurës, flokëve dhe shëndetit të përgjithshëm, falë përmbajtjes së lartë të acideve yndyrore omega-3 dhe omega-6.
Ekspertët e produkteve natyrale theksojnë se ky vaj është veçanërisht i pasur me acidin gama-linolenik (GLA), një përbërës që lidhet me reduktimin e inflamacionit dhe përmirësimin e shëndetit të lëkurës.
Ndihmon lëkurën dhe aknet
Vaji i boragës përdoret shpesh për trajtimin e lëkurës së thatë, ekzemës, dermatitit dhe akneve. Ai ndihmon në rikthimin e elasticitetit dhe hidratimit të lëkurës dhe gjendet në shumë produkte kozmetike.
Për përdorim të jashtëm, rekomandohet aplikimi i një shtrese të hollë në lëkurë të pastër, sidomos në mbrëmje ose pas larjes.
Rigjeneron flokët e dëmtuar
Ky vaj përdoret edhe për kujdesin ndaj flokëve të thatë dhe majave të çara. Masazhimi i skalpit me disa pika vaj borage mund të ndihmojë në forcimin e folikulave dhe rikthimin e shkëlqimit natyral të flokëve.
Mund të ndihmojë në humbjen e peshës
Sipas disa studimeve, GLA që përmban vaji i boragës mund të ndikojë në uljen e oreksit dhe kontrollin e peshës trupore.
Një studim i vitit 2007 raportoi se personat që konsumonin 5 gramë vaj borage në ditë kishin humbje më të madhe peshe krahasuar me ata që përdornin vaj ulliri.
Lehtëson simptomat e artritit
Për shkak të vetive anti-inflamatore, vaji i boragës përdoret edhe nga persona që vuajnë nga Artriti.
Doza e zakonshme e rekomanduar është 1 deri në 2 kapsula në ditë me ushqim, ndërsa ekspertët paralajmërojnë që të mos tejkalohet kufiri prej 3000 mg në ditë.
Kujdes gjatë përdorimit
Specialistët këshillojnë kujdes për personat që përdorin barna për hollimin e gjakut, pasi vaji i boragës mund të ndikojë në koagulim.
Po ashtu, gratë shtatzëna dhe ato që ushqejnë me gji duhet të konsultohen me mjekun para përdorimit të këtij suplementi natyral.
