Kryetari i Partisë Socialdemokrate (PSD), Dardan Molliqaj, ka deklaruar se vendit i duhet një opozitë e re dhe reale, duke kritikuar atë që e quajti “opozitë formale” të deritanishme.
Përmes një postimi në Facebook, Molliqaj tha se koncepti aktual i opozitës ka marrë fund dhe se qytetarët kanë nevojë për një alternativë më të fortë politike.
“Sot e djegëm konceptin e opozitës formale të deritanishme. Sot, na duhet opozitë përnime. Prandaj PSD, 129!”, ka shkruar Molliqaj.
Deklarata e tij vjen në kuadër të aktiviteteve politike dhe mobilizimit të PSD-së për zgjedhjet e ardhshme.
