Agron Hajdari, i njohur me nofkën “Radulla”, ka mbetur i vrarë si pasojë e plagëve të marra nga arma e zjarrit në Prishtinë.
Ngjarja ka ndodhur mbrëmjen e së mërkurës në lagjen “Bregu i Diellit”, ku sipas informacioneve fillestare, ndaj tij është qëlluar me armë zjarri nga një person i maskuar.
Vdekja e Hajdarit është konfirmuar edhe nga kryeprokurori i Prokurorisë Themelore në Prishtinë, Zjennulla Gashi.
Dëshmitarë në vendin e ngjarjes kanë deklaruar se autori i dyshuar ishte i maskuar në momentin e sulmit, ndërsa menjëherë pas të shtënave është larguar nga vendi i ngjarjes.
Policia e Kosovës dhe Prokuroria Themelore në Prishtinë kanë nisur hetimet për zbardhjen e plotë të rastit dhe identifikimin e autorit.
Deri më tani nuk janë bërë të ditura detaje shtesë lidhur me motivet e vrasjes.
