Të martën në Kosovë pritet të mbajë mot pak më i freskët krahasuar me ditët paraprake. Gjatë ditës do të ketë më shumë vranësira, të shoqëruara herë pas here me riga lokale shiu, por nuk do të mungojnë as intervalet me diell.
Pasditja pritet të sjellë zhvillim të vranësirave konvektive, të cilat në disa rajone do të kushtëzojnë rrebeshe lokale shiu me vetëtima dhe bubullimë. Reshjet do të jenë të karakterit lokal dhe jo të gjitha zonat e vendit do të përfshihen nga to.
Temperaturat minimale pritet të zbresin deri në 11°C, ndërsa ato maksimale do të arrijnë deri në 26°C, duke sjellë mot më të këndshëm dhe më të freskët në krahasim me fillimin e javës.
