Kompania për Distribuimin e Energjisë Elektrike në Kosovë (KEDS) ka njoftuar se të martën, më 2 qershor 2026, do të realizohen punime të planifikuara për mirëmbajtjen dhe sigurinë e sistemit energjetik në disa rajone të vendit.
Si pasojë e këtyre punimeve, një numër lokalitetesh do të përballen me ndërprerje të përkohshme të energjisë elektrike.
Prishtinë
Nga TS 35/10[kV] Koliq do të ndërpritet dalja 10[kV] J02 Sharbani nga ora 10:00 deri në 15:30.
Pa energji elektrike do të mbeten fshatrat Sharban, Bellopojë, Tërrnavë, Vanovcë dhe lokalitete të tjera përreth.
Arsyeja e ndërprerjes është mirëmbajtja preventive dhe pastrimi i trasesë.
Pejë
Nga TS 110/35/10[kV] Peja 1 do të ndërpritet transformatori TR2 në anën 10[kV] nga ora 10:00 deri në 16:00.
Ndërprerja do të prekë një pjesë të konsiderueshme të qytetit të Pejës, lagjen Fidanishte, një numër të madh rrugësh urbane, si dhe fshatrat Qyshk, Vitomiricë, Katundi i Ri, Nakëll, Zahaq, Dubovë, Ozdrim dhe zona të tjera përreth.
Pa energji do të mbetet edhe Hidrocentrali i Radavcit.
Punimet realizohen në kuadër të mirëmbajtjes preventive të nënstacionit.
Ferizaj
Nga TS 35/10[kV] Kaçaniku do të ndërpritet dalja 10[kV] J02 Pylltaria nga ora 10:00 deri në 15:30.
Ndërprerja do të përfshijë lokalitetet Kërbliq, Leskovicë, Drenushë, Rakoc, Sanatorium, Llanishtë, Gjurgjedell, Runjevë, Hekurudhë, Kisi dhe Lagjen e Re.
Arsyeja është mirëmbajtja preventive dhe pastrimi i trasesë.
Mitrovicë
Në kuadër të projekteve investive, nga NS 110/10[kV] Vushtrria 2 do të ketë ndërprerje nga ora 09:00 deri në 16:00.
Pa furnizim me energji elektrike do të mbeten Samadrexha, Ropica, Maxhunaj, Zagori, Cecelia, Sllakovci, Sfaraçaku dhe disa biznese në këtë zonë.
Punimet lidhen me tokëzimin dhe ndërrimin e konzollave në rrjetin e tensionit të mesëm.
Gjilan
Nga NS 35/10[kV] Lladovë do të ndërpritet dalja 10[kV] J04 Parteshi nga ora 10:00 deri në 14:00.
Pa energji elektrike do të mbeten Budrika e Epërme, Budrika, Cërnica, Livoçi i Ulët, Nasala dhe Parteshi.
Punimet do të realizohen për mirëmbajtjen e rrjetit elektrik dhe sigurinë e sistemit.
