KQZ ka shpallur sot rezultatet përfundimtare të zgjedhjeve parlamentare të mbajtura më 7 qershor 2026.
Vendimi u miratua gjatë mbledhjes së sotme të KQZ-së me 10 vota për, duke zyrtarizuar ndarjen e ulëseve në legjislaturën e re të Kuvendit të Kosovo.
Kryetari i KQZ-së, Kreshnik Radoniqi, bëri të ditur se subjektet politike dhe kandidatët kanë të drejtë ankese ndaj shpalljes së rezultateve brenda 48 orëve.
“Pas këtij vendimi, kandidatët kanë të drejtë ankese ndaj shpalljes së rezultatit në afat prej 48 orësh, duke filluar nga ora 12:00 sot, e që përfundon deri në orën 12:00 të hënën”, deklaroi Radoniqi.
Sipas rezultateve përfundimtare, Lëvizja Vetëvendosje ka dalë forca e parë politike me 47.13% të votave, duke siguruar 53 ulëse në Kuvend.
Partia Demokratike e Kosovës (PDK) renditet e dyta me 19.44%, duke fituar 22 ulëse.
Në vendin e tretë është Lidhja Demokratike e Kosovës (LDK) me 16.69% të votave dhe 18 ulëse.
Ndërkaq, Aleanca për Ardhmërinë e Kosovës (AAK) ka siguruar 6.74%, duke fituar 7 ulëse.
Pas certifikimit përfundimtar dhe përmbylljes së afatit të ankesave, pritet të nisin procedurat për konstituimin e Kuvendit të ri dhe formimin e institucioneve të reja të vendit.
