E diela në Kosovë pritet të sjellë mot shumë të nxehtë, me zagushi dhe diell në pjesën më të madhe të territorit. Gjatë ditës priten kushte tipike verore, me vapë të theksuar dhe ndjesi të lartë të nxehtësisë.
Temperaturat do të shënojnë rritje të mëtejshme, ku maksimalja parashihet të arrijë deri në 36°C, duke e bërë këtë një nga ditët më të nxehta të periudhës së fundit.
Temperatura minimale pritet të zbresë vetëm deri në 17°C, duke sjellë edhe net relativisht të ngrohta.
Vetëm në viset më të larta malore nuk përjashtohet mundësia për ndonjë rrebesh afatshkurtër shiu.
