Policia e Kosovës ka njoftuar se ka evidentuar shkelje në disa autoparkingje në Prizren dhe Suharekë.
Sipas raportit 24 orësh të Policisë, rasti u iniciua si “Shmangie nga tatimi”.
“Prizren dhe Suharekë / 21.07.2026 – 10:00. Lidhur me rastin, Policia e Kosovës me autorizim të Prokurorisë Themelore në Prizren dhe në bashkëpunim me institucionet tjera ligj zbatuese si: Administrata Tatimore e Kosovës, Inspektorati Qendror i Punës, Inspektorati Qendror i Ministrisë së Tregtisë, ka ndërmarrë veprime ndaj disa auto parkingjeve ku janë evidentuar shkelje të ndryshme, ndaj të cilave janë ndërmarrë veprimet përkatëse nga institucionet kompetente”, njofton Policia.
