Kryetari i Prishtinës, Përparim Rama, ka njoftuar se rruga “Ilir Konushevci” është hapur dhe është plotësisht funksionale për qarkullimin e qytetarëve.
Sipas tij, ekipet e Komunës së Prishtinës kanë punuar pa ndërprerje, edhe gjatë orëve të natës, për ta përfunduar projektin sa më shpejt dhe për ta vënë rrugën në funksion.
“Ekipet e Kryeqytetit Prishtina kanë punuar pa ndërprerje, edhe gjatë natës, që rruga ‘Ilir Konushevci’ të jetë hapur dhe plotësisht funksionale për qytetarët. Ta gëzoni rrugën e re”, ka shkruar Rama.
Hapja e kësaj rruge pritet të lehtësojë qarkullimin në këtë pjesë të kryeqytetit dhe të përmirësojë lidhjen me zonat përreth, duke kontribuar në një lëvizje më efikase të automjeteve dhe qytetarëve.
