E diela në Kosovë pritet të karakterizohet me mot kryesisht stabil, me diell dhe mjaft të nxehtë veror.
Pas freskimit të fuqishëm të së shtunës në rajonet e përfshira nga rrebeshet e shiut, temperaturat pritet të mbeten sërish të larta, ndërsa pjesa më e madhe e vendit do të ketë kushte të qëndrueshme atmosferike.
Megjithatë, rrallë në disa vise mund të paraqitet ndonjë rrebesh i izoluar shiu, i shoqëruar me vetëtimë dhe bubullimë.
Temperaturat do të luhaten nga 16°C në mëngjes deri në 34–35°C gjatë ditës.
Në përgjithësi, e diela sjell rikthimin e vapës dhe stabilizimin e motit, pas zhvillimeve të fuqishme atmosferike të së shtunës.
