Nafta deri në 1.72 euro, benzina 1.57 euro, ndërsa gasi 0.63 euro për litër
Prishtinë, 3 shtator 2026 – Ministria e Industrisë, Ndërmarrësisë, Tregtisë dhe Inovacionit (MINTI) ka publikuar çmimet maksimale të lejuara për shitjen e derivateve të naftës për ditën e sotme.
Sipas njoftimit të MINTI-t, çmimet maksimale të lejuara janë:
- Nafta (dizel): 1.72 euro për litër
- Benzina: 1.57 euro për litër
- Gasi: 0.63 euro për litër
Çmimet e përcaktuara nga ministria hyjnë në fuqi nga ora 10:00 dhe vlejnë për ditën e sotme.
Ku mund të adresohen ankesat?
MINTI ka bërë të ditur se qytetarët mund t’i adresojnë ankesat lidhur me çmimet dhe respektimin e tyre përmes adresës elektronike konsumatori@rks-gov.net.
Ankesat mund të bëhen edhe përmes numrit pa pagesë 0800 11000.
Ministria përcakton në baza ditore çmimet maksimale të lejuara për shitjen e derivateve, në kuadër të masave për mbikëqyrjen e tregut dhe mbrojtjen e konsumatorëve.
