Kompania për Distribuimin e Energjisë Elektrike në Kosovë (KEDS) ka njoftuar për ndërprerje të planifikuara të energjisë elektrike gjatë ditës së mërkurë, 7 tetor 2026, në disa zona të Kosovës.
Ndërprerjet do të bëhen për shkak të punimeve të domosdoshme për sigurinë e sistemit, mirëmbajtjes preventive, testimeve dhe punimeve nga palët e treta.
Prishtinë
Në zonën e Prishtinës, nga ora 11:00 deri në 13:00 do të ndërpritet dalja 20 kV J15 Breznicë nga NS 35/10(20) kV Mazgiti.
Pa energji do të mbeten Breznica, Kozarica dhe Barileva. Arsyeja e ndërprerjes është testimi i transformatorit TR-3.
Ndërkohë, nga ora 12:00 deri në 16:00 do të ndërpritet dalja 10 kV J35 Prishtina e Re nga NS 110/20 kV Prishtina 7.
Ndërprerja prek Veternikun 7 dhe zonën e Muharrem Fejzës A-1, K-1, objekti Relax 6. Arsyeja është realizimi i punimeve sipas projektit.
Prizren
Nga ora 10:00 deri në 15:30 do të ndërpritet dalja 10 kV Radesha nga TS 35/10 kV Dikanca.
Pa energji do të mbeten fshatrat Baçkë, Dikancë, Leshtan dhe Radesh. KEDS ka bërë të ditur se ndërprerja bëhet për mirëmbajtje preventive, si dhe për eliminimin e defekteve dhe të gjeturave nga inspektimi me dron.
Nga ora 11:00 deri në 12:00 do të ndërpritet dalja 10 kV Dogana Vërmicë nga TS 35/10 kV Zhuri. Ndërprerja prek Doganën, autostradën 1, brezin kufitar, Renelual Tahirin, Shkozën, Vermicën dhe Mifabelin. Arsyeja është testimi i mbrojtjes rele.
Nga ora 12:00 deri në 13:00 do të ndërpritet dalja 10 kV J07 Dobrusht-Gorozhup. Pa energji do të mbeten Gorozhubi, Mile, Plane dhe një pjesë e Zhurit. Edhe kjo ndërprerje bëhet për testimin e mbrojtjes rele.
Nga ora 13:00 deri në 14:00 do të ndërpritet dalja 10 kV Gurishta, duke prekur zonën e Gurishtës. Arsyeja është po ashtu testimi i mbrojtjes rele.
Në zonën e Dragashit, nga ora 10:00 deri në 14:00 do të ndërpritet dalja 10 kV J07 Rapqa nga NS 35/10 kV Dragash.
Ndërprerja prek Rapqën e Ulët, Rapqën e Epërme, Fabrikën Meka, Breznën, Krstecin e Ulët, Krstecin e Nalt, Rrencin, Fermën TS-Berham Jonuzi, TS-Qendrën Petroll, Buqën, Pllavën dhe TS-Ujësjellësin Brezne. Arsyeja është ndërrimi i shtyllave të thyera.
Mitrovicë
Nga ora 10:00 deri në 15:30 do të ndërpritet dalja 10 kV Lushta nga NS 110/10 kV Mitrovica.
Pa energji do të mbeten Lushta dhe Broboniqi. KEDS e ka arsyetuar ndërprerjen me mirëmbajtjen preventive dhe pastrimin e trasesë.
Po ashtu, nga ora 10:00 deri në 15:30 do të ndërpritet dalja 10 kV J03 Turiqevci nga NS 110/10(20) kV Skenderaj.
Ndërprerja prek Llaushën, Rakinicën, Kopiliqin e Epërm, Kllodernicën, Turiqefcin, Burojën, Vojnikun, Izbicën, Ozrimin, Kopiliqin e Ulët dhe Aqarevën.
Sipas KEDS-it, punimet kanë të bëjnë me montimin e konzollës 10 kV në fshatin Vojnik dhe energjizimin e një segmenti të linjës së re 10 kV në kuadër të projektit LP Turiqefci.
Gjakovë
Nga ora 10:00 deri në 15:30 do të ndërpritet dalja 10 kV Ratkoci nga TS 35/10 kV Xërxa.
Pa energji do të mbeten Gexha, Radosta, Ratkoci dhe një pjesë e Xërxës.
Arsyeja është mirëmbajtja preventive, si dhe intervenimi për eliminimin e defekteve dhe të gjeturave të evidentuara gjatë inspektimit me dron.
Gjilan
Nga ora 10:00 deri në 15:30 do të ndërpritet dalja 10 kV Bunjakët nga TS 35/10 kV Artana.
Ndërprerja prek një pjesë të Bunjakëve, Marevcin dhe zonën e minierës. Arsyeja është mirëmbajtja preventive dhe pastrimi i trasesë.
Kamenicë – njoftimi për 8 tetor
KEDS ka publikuar gjithashtu një njoftim për zonën e Kamenicës për 8 tetor.
Nga ora 10:00 deri në 15:30 do të ndërpritet dalja 10 kV Hogoshti–Stabilimenti Kopernicë–Degëzimi Sedllar nga NS 110/10 kV Kamenicë.
Ndërprerja prek pjesë të Bujnocit, Dazhnicës dhe Kostandincës, si dhe Hogoshtin, Kolloleqin, Kopërnicën, Kradinellin, Lajçiqin, Lisockën, Marocin, Poliçkën, Shahiqin, Shipashnicën e Epërme dhe të Poshtme, Tërstenën, Velegllavën, Vriqecin, Xhyrishevcin dhe Zhujën.
KEDS ka bërë të ditur se punimet bëhen për mirëmbajtje preventive, pastrim të trasesë, si dhe intervenim për eliminimin e defekteve dhe të gjeturave të evidentuara gjatë inspektimit me dron.
