Presidenti i Shqipërisë, Bajram Begaj, ka uruar Justina Shiroka-Pulën për zgjedhjen Presidente të Republikës së Kosovës.
Përmes një postimi në rrjetet sociale, Begaj i ka përcjellë urimet Shiroka-Pulës, duke theksuar se Shqipëria dhe Kosova do të vazhdojnë të jenë bashkë në rrugën drejt së ardhmes evropiane.
“Urime të përzemërta znj. Justina Shiroka-Pula për zgjedhjen Presidente e Republikës së Kosovës!”, ka shkruar Begaj.
Ai ka shtuar se dy vendet do të jenë bashkë përballë sfidave dhe në çdo hap drejt integrimit evropian.
“Urime Presidente! Zoti e bekoftë Kosovën dhe shqiptarët kudo ku janë!”, ka përfunduar Begaj.
