Presidentja e Kosovës, Justina Shiroka Pula, ka takuar futbollistët e Kombëtares së Kosovës, në prag të ndeshjes kundër Izraelit, e cila do të zhvillohet më 14 nëntor, në kuadër të Ligës së Kombeve.
Në takim ishin të pranishëm edhe përzgjedhësi i Kombëtares, Franco Foda, dhe kryetari i Federatës së Futbollit të Kosovës, Agim Ademi.
Presidentja i falënderoi futbollistët për angazhimin, përkushtimin dhe rezultatet e arritura deri më tani, duke vlerësuar kontributin e tyre në përfaqësimin e Kosovës në arenën ndërkombëtare.
Ajo i cilësoi futbollistët si ambasadorë të shtetit, të cilët përmes paraqitjeve të tyre bëjnë që Kosova të jetë e pranishme në skenën ndërkombëtare dhe flamuri i saj të valëvitet në vende të ndryshme të botës.
Në fund, Shiroka Pula i inkurajoi futbollistët të vazhdojnë me të njëjtin përkushtim dhe u uroi suksese në ndeshjen e ardhshme kundër Izraelit.
