Analisti i çështjeve politike, Shenoll Muharremi, ka reaguar me tone ironike ndaj situatës aktuale politike në Kosovë, duke e krahasuar atë me zhvillimet në arenën ndërkombëtare. Në një deklaratë të publikuar nga GazetaBlic, Muharremi ka vënë theksin në kontrastin e madh mes angazhimeve të liderëve të rajonit dhe ngërçit institucional në Kosovë.
“Ndërsa Vuçiq mund të jetë në takim me Trump, në Kosovë ende zgjidhen emra për Parlament mes inateve, përçarjeve dhe bllokadave,” – ka deklaruar ai.
Muharremi ka kritikuar mënyrën se si politika kosovare po funksionon, duke e cilësuar situatën aktuale si një rrugë të sigurt drejt dështimit politik, për shkak të mungesës së konsensusit dhe interesave të ngushta partiake.
Deklarata e tij vjen në një kohë kur vendi po përballet me bllokada në procesin e emërimeve të institucioneve, ndërkohë që sfidat ndërkombëtare dhe rajonale kërkojnë një përfaqësim të denjë dhe një pozicionim të qartë në skenën globale.
