Cristiano Ronaldo ka vendosur të qëndrojë te Al Nassr, duke hedhur firmën mbi një kontratë të re marramendëse, që e konfirmon si sportistin më të paguar në planet. Ylli portugez, ndonëse kishte flirtuar me idenë e një fillimi të ri, ka thënë “po” një marrëveshjeje që i siguron atij jo vetëm statusin e legjendës së futbollit, por edhe titullin e padiskutueshëm të “mbretit të parave” në sport.
260 milionë euro në vit për Ronaldon
Sipas RMC Sport, Ronaldo do të përfitojë:
-
200 milionë euro në vit si futbollist,
-
dhe 60 milionë euro të tjera nga të drejtat komerciale të imazhit.
Në total, kjo përkthehet në rreth 16.7 milionë euro në muaj ose 550 mijë euro në ditë. Për më tepër, ai ka përfituar një bonus nënshkrimi prej 30 milionë eurosh.
Marrëveshje me klauzola unike
Sipas The Sun, kontrata e re përfshin edhe këto bonuse dhe përfitime të jashtëzakonshme:
-
15% të aksioneve të klubit Al Nassr
-
90,000 euro për çdo gol
-
50,000 euro për çdo asist
-
10 milionë euro në rast fitimi të kampionatit
-
6 milionë euro për “Këpucën e Artë” në Saudi Pro League
-
8 milionë euro për triumfin në Champions League të Azisë
-
5.5 milionë euro për shpenzime të avionit privat
-
30 milionë euro bonus shtesë nëse qëndron deri në vitin 2027
Jetë mbretërore në Riad
Përveç milionave në bankë, Ronaldo do të vijojë jetën në një vilë luksoze të mbrojtur nga:
-
4 roje sigurie,
-
3 shoferë personalë,
-
2 kuzhinierë,
-
4 pastruese,
-
3 kopshtarë – pjesë e stafit të përhershëm prej 16 personash që kujdesen për çdo aspekt të jetës së tij private.
Asnjë sportist nuk i afrohet Ronaldos
As Lionel Messi me rreth 17.6 milionë euro në vit te Inter Miami, as superyjet e NBA-së si Stephen Curry apo bokseri Tyson Fury nuk arrijnë të konkurrojnë me Ronaldon në aspektin financiar. Kontrata e re me Al Nassr e konsolidon CR7 si një markë globale, që tejkalon kufijtë e sportit dhe shndërrohet në një fenomen ekonomik.
Nëse debati për “GOAT” vazhdon, një gjë është e qartë: në fushën e parave, Cristiano Ronaldo është fituesi absolut.
