Borussia Dortmund nuk e ka mbyllur interesimin për Fisnik Asllanin, pavarësisht se transferimi i sulmuesit te RB Leipzig dështoi për shkak të shqetësimeve mjekësore të klubit nga Saksonia.
Në korrik, u raportua se Dortmundi ishte pranë transferimit të Asllanit nga Hoffenheimi. Megjithatë, në garën për 24-vjeçarin u përfshi edhe RB Leipzig, i cili arriti marrëveshje për transferimin e tij.
Marrëveshja më pas dështoi pasi Leipzig ngriti “shqetësime mjekësore” lidhur me sulmuesin.
Sipas njoftimit të klubit, Asllani do të qëndrojë te Hoffenheimi, por kjo nuk e ka larguar interesimin e Dortmundit.
Klubi nga Bundesliga vazhdon ta ketë sulmuesin kosovar në listën e alternativave dhe, sipas raportimeve, çështja mund të marrë sërish zhvillim para mbylljes së afatit kalimtar të verës, më 1 shtator në orën 20:00.
Ole Buk, figura kyçe në interesimin e Dortmundit
Pas interesimit të Dortmundit për Asllanin raportohet se qëndron drejtori sportiv Ole Buk, i cili e njeh mirë sulmuesin nga periudha kur të dy ishin pjesë e Elversbergut.
Buk thuhet se është një admirues i madh i profilit të Asllanit dhe e sheh atë si një alternativë interesante për repartin ofensiv të Dortmundit.
Për Asllanin, situata mbetet kështu e hapur. Nëse Dortmundi vendos të konkretizojë interesimin, ditët e fundit të merkatos mund të sjellin një zhvillim të ri për sulmuesin kosovar.
