E diela në Kosovë pritet të sjellë mot kryesisht me diell, ndërsa temperaturat do të shënojnë ulje të lehta.
Masa ajrore më të freskëta me origjinë kontinentale do të depërtojnë nga veriu, të shoqëruara me erëra nga veriu dhe verilindja, duke kushtëzuar rënie të temperaturave. Megjithatë, moti do të mbetet ende i nxehtë.
Temperaturat minimale pritet të jenë rreth 16°C, ndërsa maksimalet do të arrijnë deri në 32°C, kryesisht në rajonin e Dukagjinit.
Në përgjithësi, dita do të karakterizohet nga stabilitet atmosferik, shumë diell dhe temperatura të larta, ndonëse pak më të ulëta krahasuar me ditët paraprake.
