E diela në Kosovë pritet të karakterizohet me mot me diell dhe vranësira lokale, ndërsa do të jetë dukshëm më freskët, sidomos gjatë orëve të mëngjesit.
Temperaturat do të luhaten nga 7°C në mëngjes, deri në 24°C në rajonin e Dukagjinit gjatë ditës.
Ndërkohë, në Shqipëri, Maqedoninë e Veriut, Luginën e Preshevës dhe Malin e Zi, pritet mot me diell dhe vranësira lokale, me pak reshje atmosferike.
Temperaturat kanë shënuar ulje në të gjitha këto vise, megjithatë në zonat mesdhetare do të mbetet ende relativisht nxehtë, veçanërisht nën rrezet e diellit. Më freskët pritet të jetë në zonat kontinentale.
Lokalisht, në disa zona të Shqipërisë dhe Maqedonisë së Veriut, mund të ketë ndonjë rigë të dobët dhe afatshkurtër shiu, por reshjet pritet të jenë të pakta.
