Të enjten në Kosovë pritet të mbajë mot kryesisht i vranët, megjithëse herë pas here do të ketë edhe intervale me diell. Vranësirat do të jenë të shpeshta gjatë ditës dhe do të shoqërohen me reshje lokale shiu në shumë zona të vendit.
Në disa rajone priten rrebeshe më intensive, të shoqëruara me vetëtima dhe bubullimë, ndërsa lokalisht nuk përjashtohet mundësia për paraqitjen e breshrit dhe fenomeneve më të theksuara atmosferike.
Temperaturat do të pësojnë ulje të ndjeshme krahasuar me ditët paraprake. Vlerat minimale pritet të zbresin deri në 10°C, ndërsa maksimalet do të arrijnë deri në 22°C.
Moti do të mbetet i paqëndrueshëm gjatë pjesës më të madhe të ditës, me reshje që do të kenë karakter lokal dhe intensitet të ndryshueshëm nga një rajon në tjetrin.
