Të enjten në Kosovë pritet të mbajë mot ende mjaft i nxehtë dhe me zagushi, veçanërisht gjatë paradites dhe orëve të mesditës. Do të ketë intervale me diell dhe vranësira lokale, ndërsa pasditja do të sjellë zhvillime konvektive dhe destabilizim gradual të atmosferës.
Fillimisht priten rrebeshe të izoluara shiu, të shoqëruara me vetëtima, bubullimë dhe mundësi për breshër. Më vonë, kushtet atmosferike do të përkeqësohen më tej, duke sjellë një destabilizim më të theksuar të motit.
Në orët e mbrëmjes pritet depërtimi i një fronti të ftohtë ajror, i cili do të shoqërohet me rrebeshe intensive shiu, vetëtima dhe bubullimë, si dhe me ulje të ndjeshme të temperaturave. Lokalisht mund të ketë edhe shtrëngata më të fuqishme.
Temperaturat do të luhaten nga 14°C minimalja deri në 31°C maksimalja, ndërsa në mbrëmje pritet freskim i motit pas kalimit të frontit të ftohtë.
