Të martën në Kosovë pritet të mbajë mot me diell dhe vranësira, të cilat gjatë ditës do të marrin karakter zhvillimi. Si pasojë, priten rrebeshe lokale shiu, të shoqëruara me vetëtima, bubullimë dhe lokalisht edhe me mundësi për breshër.
Në disa zona rrebeshet mund të jenë më intensive, madje me shtrëngata të fuqishme kalimtare, me gjasat më të mëdha në Rrafshin e Dukagjinit dhe në Kosovën qendrore.
Temperaturat do të pësojnë një ulje të lehtë krahasuar me ditët paraprake, por moti do të mbetet relativisht i ngrohtë.
Temperatura minimale parashihet rreth 14°C, ndërsa maksimalja mund të arrijë deri në 29°C.
