Të martën në Kosovë pritet të mbajë mot i ngrohtë me karakter veror, me dominim të motit kryesisht me diell dhe vranësira të pakta gjatë pjesës më të madhe të ditës.
Megjithatë, gjatë orëve të pasdites priten zhvillime lokale të vranësirave, të cilat në disa rajone të caktuara mund të sjellin rrebeshe të izoluara shiu, të shoqëruara me vetëtima dhe bubullima.
Reshjet do të jenë të karakterit lokal dhe nuk pritet të përfshijnë pjesën më të madhe të territorit të vendit.
Temperaturat do të vazhdojnë trendin e rritjes, me vlerat maksimale që pritet të arrijnë deri në 29–30°C, duke sjellë ditën më të ngrohtë të kësaj periudhe.
