E mërkura në Kosovë do të karakterizohet nga mot i qëndrueshëm, pa ndryshime të dukshme krahasuar me ditët e fundit. Sipas parashikimeve meteorologjike, pritet të mbajë mot me vranësira dhe intervale kohore me diell, ndërsa mundësia për reshje mbetet minimale, me ndonjë shi të dobët e të izoluar.
Temperaturat maksimale ditore do të arrijnë deri në 18°C, duke ruajtur tiparet e motit tipik vjeshtor.
Edhe në Shqipëri, Maqedoninë e Veriut, Mal të Zi dhe Luginën e Preshevës, dita e mërkurë do të sjellë diell e vranësira lokale, kryesisht në zonat kodrinore e malore, ku nuk përjashtohet ndonjë rigë e lehtë shiu.
Meteorologët paralajmërojnë se kjo situatë stabile pritet të vazhdojë edhe në ditët në vijim, duke e bërë javën e mesit të tetorit relativisht të ngrohtë për periudhën.
